फिल्म प्रविष्टि निर्देशिका

Submission Guidelines PDF

२०औं काठमाडौं इन्टरन्यासनल माउन्टेन फिल्म फेस्टिभल (किम्फ) आगामी डिसेम्बर ८ देखि १२ सम्म हिमाली क्षेत्रको सांस्कृतिक राजधानी काठमाडौंमा हुने भएको छ । यस पटकको
महोत्सवमा विश्वभरका संस्कृति, समाज, जनजीवन वातावरण, खेलकुद र साहसिक कार्यका बारेमा बनाइएका फिल्महरू प्रदर्शन गरिनेछन्।

किम्फले जीवनको जटिलता र विविधतालाई चलचित्र र कथाहरूमा विशेष ध्यान केन्द्रित गरी मनाउने छ जसले पहाडी समुदायको प्राकृतिक वातावरणलाई दिगो तथा त्यसको संरक्षणमा वास्तविकता र अनुभवहरूलाई प्रतिबिम्बित गर्दछ।

किम्फ २०२२ का लागि नेपाली र अन्तर्राष्ट्रिय सिनेकर्मीहरूबाट विभिन्न विषयमा बनाएका फिल्महरू छनोट गरिनेछन् । प्रतियोगितामा रहेका सबै चलचित्रहरू अन्तर्राष्ट्रिय सहभागिता
भएका निर्णायक मण्डलले हेर्नेछन्। फिल्म निर्माताहरूले प्रतिस्पर्धाका लागि आफ्नो फिल्म पेश गर्ने वा नगर्ने छनौट गर्न सक्छन्। प्रतियोगिता विधाका लागि छनोट गरिएका र छनोट

नगरिएका दुवै स्वीकृत चलचित्रहरू पुरस्कारका लागि योग्य हुनेछन्। ‘नेपाल पानोरमा’ मा नेपाली चलचित्र निर्माताहरुले निर्माण गरेका चलचित्रहरु नेपाली कलाकारहरुको छुट्टै
प्रदर्शनीमा सहभागी हुनेछन् । ‘नेपाल पानोरमा’ को उद्देश्य नेपाली चलचित्रलाई प्रवर्द्धन गर्नु र सबै विधामा प्रोत्साहन गर्नु हो ।

चलचित्रकर्मी, चलचित्रप्रेमी, समीक्षक, बुद्धिजीवी, लेखक, पत्रकार, कलाकार, पर्वतारोही र दर्शकहरुको उपस्थितिमा महोत्सवमा छलफल मञ्च, मागबमोजिम फिल्म प्रदर्शनी, अतिथि
व्याख्यान, पुस्तक तथा तस्बिरको प्रदर्शनी र चलचित्रकर्मीहरुका लागि कार्यशाला आदिको आयोजना गरिनेछ ।

मापदण्ड

१ जनवरी २०२० पछि बनेका चलचित्रहरू प्रवेशका लागि योग्य हुनेछन्। हिमाली मुद्दाहरूको पूर्ण दायरा किम्फका सहभागीहरू र दर्शकहरूका लागि उपलब्ध हुनेछ भनी सुनिश्चित गर्न,
चलचित्रहरूको अनुशासन, विधा, लम्बाइ र ढाँचामा कुनै प्रतिबन्धहरू तोकिएको छैन। फिल्महरू वृत्तचित्रहरू, पूर्ण-लम्बाइका, छोटा फिल्महरू, एनिमेसन वा प्रयोगात्मक हुन सक्छन्।
चलचित्रहरू एथनोग्राफी, साहसिक, खोजी रिपोर्ट वा व्यक्तिगत कथाका विषयवस्तु समेटिएका हुन सक्छन्।

फिल्म प्रवेशका सर्तहरू

फिल्म प्रवेशका लागि कुनै शुल्क लाग्ने छैन। किम्फले विधिवत रूपमा पूरा गरिएको प्रविष्टि फारम बिनाका फिल्महरू छनोटका लागि मान्य हुनेछैन। किम्फको क्याटलग र प्रवर्द्धन कार्यमा
प्रयोगको लागि सबै प्रविष्टिहरू लेबल गरिएको फिल्म प्रोमो छवि (800px * 600px/ 72 dpi) साथै राखिएको हुनुपर्नेछ। एक पटक प्रविष्ट गरिएका चलचित्रहरू फिर्ता लिन सकिने छैन।
kimff लाई फिल्म पठाउँदा लाग्ने खर्च फिल्म निर्माता आफैंले बेहोर्नुपर्छ। विभिन्न माध्यमबाट महोत्सवमा पठाइएका फिल्महरू हानि, क्षति भएमा वा ढिलो गरी आएमा किम्फ जिम्मेवार
हुनेछैन।
अङ्ग्रेजी बाहेक अन्य भाषाहरूमा भएका चलचित्रमा अङ्ग्रेजी उपशीर्षकहरू अनिवार्य हुनुपर्नेछ अन्यथा तिनीहरूलाई छनोट गरिने छैन।

फिल्म पठाउने समयसीमा

फिल्महरू २ सेप्टेम्बर २०२२ सम्ममा काठमाडौंको किम्फ सचिवालयमा आइपुग्नुपर्छ।

पठाउने प्रक्रिया

छनौटका लागि फिल्महरू MP4 ढाँचामा मात्र स्वीकार गरिनेछन्। कुरियरद्वारा हामीलाई फ्ल्यास वा पोर्टेबल हार्ड ड्राइभमा पठाइएमा वा डाउनलोड गर्न मिल्ने 'डायरेक्ट' लिङ्क
(Google ड्राइभ, ड्रपबक्स, वी ट्रान्सफर, मेगा आदि) मार्फत । कुरियरबाट पठाइएका फिल्महरूलाई भन्सार प्रक्रियाबाट सजिलैसित छुटाउन प्याकेटमा "केवल सांस्कृतिक उद्देश्यका
लागि, व्यापारिक प्रयोजनका लागि होइन" भनी स्पष्टमा रूपमा उल्लेख भएको हुनुपर्छ।

फिल्मको छनौट

प्राप्त भएका सबै फिल्महरू किम्फ छनोट समितिले छान्नेछ। छनोट कार्य १६ अक्टोबर २०२२ सम्म पूरा हुनेछ। यसको जानकारी निर्देशक/निर्माताहरूलाई तुरून्त दिइनेछ। महोत्सवमा
प्रदर्शनका लागि छानिएका फिल्म व्यावसायिक भिडियोको फर्म्याटमा पठाउनु पर्नेछ। छनोटमा नपरेका फिल्महरूलाई खबर पठाइने छैन।
‘नेपाल पानोरमा’का लागि छनोट भएका चलचित्रलाई अन्तर्राष्ट्रिय खण्डमा प्रदर्शन गर्ने कि नगर्ने भन्ने निर्णय छनोट समितिले गर्नेछ ।

SUBMISSION DEADLINE FOR FINAL PRINT OF SELECTED ENTRIES

छनोट गरिएका फिल्मको फाइनल कपी १३ नोभेम्बर २०२२ सम्म kimff सचिवालयमा आइपुग्नु पर्नेछ।

फिल्म प्रदर्शन गरेबापत किम्फले कुनै पनि शुल्क तिर्ने छैन।

प्रदर्शनका लागि छनोट गरिएका फिल्म निम्न ढाँचामा पठाउनुपर्नेछः

फाइनल फिल्म फ्ल्यास ड्राइभ/हार्ड ड्राइभमा पठाउनु उपयुक्त हुनेछ।

अथवा, भिडियो कन्टेनर: MP4, MOV, MPG/MPEG, TS/M2TS
अथवा, भिडियो रिजोल्युसन: 1920×1080 (सिफारिस गरिएको), 1280×720
अथवा, भिडियो कोडेक: AVC/h.264/x264 (सिफारिस गरिएको), mpeg2
अथवा, अडियो कोडेक: AC3 (सिफारिस गरिएको), AAC
अथवा, अडियो च्यानलहरू: 2.0 (स्टेरियो) (सिफारिस गरिएको), 5.1 (AC3 मा मात्र)
उपशीर्षकहरू: (फोटो क्षेत्रमा भिडियोमा बर्न-इन) (उपशीर्षकहरू राख्दै भिडियोको तलको कालो पट्टी कडा रूपमा निरुत्साहित छ)

फिल्मकर्मीहरूबाट माथि दिइएका निर्देशनहरूको पालना हुने अपेक्षा गरिन्छ।

प्रचार सामग्री

महोत्सवले प्रवर्द्धनका लागि फिल्म समयावधिको १० प्रतिशतसम्मको फुटेज प्रयोग गर्न सक्छ।

जूरी र पुरस्कार

अन्तर्राष्ट्रिय निर्णायक मण्डलद्वरा छनोट गरिएका तीन उत्कृष्ट फिल्मका निर्देशकहरूलाई
ट्रफीसहित नगद पुरस्कार प्रदान गरिनेछ।

अन्तर्राष्ट्रिय प्रतियोगिता:
प्रथम पुरस्कार: रु. २००,०००।– (रु. दुई लाख)
दोस्रो पुरस्कार: रु. १५०,०००।- (रु. १ लाख पचास हजार)
तेस्रो पुरस्कार: रु. १००,०००।- (रु. एक लाख)

नेपाल पनोरामा:
उत्कृष्ट वृत्तचित्र रु. ७५,०००।- (रु. पचहत्तर हजार)
उत्कृष्ट चलचित्र रु. १,००,०००।- (रु. एक लाख)

AFK उपशीर्षक सहयोग

Alliance Française de Katmandou (AFK) ले महोत्सवमा पुरस्कृत नेपाली चलिचत्रहरूको सबटाइटल फ्रेन्च भाषामा अनुवाद गर्न सहयोग गर्नेछ।

फिल्म फिर्ता

किम्फ २०२२ मा प्रदर्शनका निम्ति छनोट भएका फिल्महरूको एक प्रति किम्फ सचिवालयले अभिलेखका रूपमा राख्नेछ। अभिलेखमा राखिएका चलचित्रहरूलाई व्यावसायिक रूपमा
वितरण वा प्रदर्शन गरिने छैन, तर फिल्म निर्माताको अनुमतिमा किम्फसँग सम्बन्धित अन्य प्रदर्शनीहरूमा समावेश गर्न सकिनेछ। सम्बन्धित फिल्मका निर्देशक/निर्मातहरूको अनुरोधमा
किम्फ २०२२ मा प्रविष्टि भएका फिल्महरूको प्रति फिर्ता गरिनेछ। त्यसरी फिर्ता गर्दा लाग्ने खर्च किम्फले बेहोर्नेछ।

महोत्सवमा चलचित्र पठाउनुको अर्थ किम्फका नीतिनियमहरू स्वतः स्वीकार गरिएको मानिनेछ। चलचित्रकर्मीहरूलाई महोत्सवमा उपस्थित हुन प्रोत्साहित गरिएको छ । महोत्सवमा
भाग लन आउने विदेशी सहभागीहरूलाई महोत्सव अवधिभर काठमाडौंमा खाने बस्नेको व्यवस्था किम्फले गर्नेछ।

घुम्ती किम्फ

किम्फले महोत्सवमा प्रदर्शन गरिएका फिल्महरूमध्ये छानेर नेपालभित्र र अन्य देशहरूमा घुम्ती किम्फ शीर्षक अन्तर्गत प्रदर्शन गर्नका लागि "ट्राभल प्याकेज" बनाउनेछ। फिल्म निर्माताहरूले आफ्ना फिल्महरू प्याकेजमा समावेश गर्न चाहने या नचाहने सो किम्फलाई अघिबाट जानकारी गराउनुपर्छ।

माथि उल्लेख भएको वा नभएको विषयमा कुनै विवाद उत्पन्न भएमा महोत्सव निर्देशकले महोत्सव आयोजक समितिसँग परामर्श गरी उपयुक्त निर्णय लिनेछ । निर्देशकको फैसला अन्तिम
हुनेछ।

थप जानकारीका लागि:

रम्यता लिम्बु
महोत्सव निर्देशक
काठमान्डू इन्टरन्यासनल माउन्टेन फिल्म फेस्टिभल (किम्फ)
५४० नारायणगोपाल सडक, लाजिम्पाट
काठमाडौं-2, नेपाल
फोनः +९७७- १- ४४४०६३५ | फ्याक्सः +९७७-१-४००१५९६
इमेलः info@kimff.org | वेबसाइटः www.kimff.org

पत्राचार ठेगानाः
काठमान्डू इन्टरन्यासनल माउन्टेन फिल्म फेस्टिभल (किम्फ)
हिमाल एसोसिएसन
पोबनं. १६६, पाटनढोका
ललितपुर, काठमाडौं
नेपाल